Advertisement
پاکستان

جسٹس منصور علی شاہ کا حکومتی ترمیمی آرڈیننس پر تحفظات کا اظہار

جسٹس منصور علی شاہ نے خط میں کہا کہ اپنی مرضی کا ممبر کمیٹی میں شامل کرکے من مرضی کی گئی جو غیر جمہوری رویہ اور ون مین شو ہے

GNN Web Desk
شائع شدہ 2 سال قبل پر ستمبر 24 2024، 1:31 صبح
ویب ڈیسک کے ذریعے
جسٹس منصور علی شاہ کا  حکومتی ترمیمی آرڈیننس پر   تحفظات کا اظہار

جسٹس منصور علی شاہ نے حکومتی ترمیمی آرڈیننس پر اپنے تحفظات کا اظہار کر دیا ہے۔
تفصیلات کے مطابق سپریم کورٹ پریکٹس اینڈ پروسیجر کمیٹی سے متعلق آرڈیننس پر جسٹس منصور علی شاہ نے خط لکھا ہے جس میں ترمیمی آرڈیننس پر تحفظات کا اظہار کیا گیا ہے۔

خط کے متن کے مطابق آرڈیننس کے اجراء کے چند ہی گھنٹوں بعد پریکٹس اینڈ پروسیجر کمیٹی کی دوبارہ تشکیل کردی گئی۔

جسٹس منصور علی شاہ کا کہنا تھا کہ ترمیمی آرڈیننس آنے کے بعد بھی سینئر ترین ججز کو کمیٹی اجلاس میں شرکت کرنا چاہیے تھا۔

جسٹس منصور علی شاہ نے خط میں کہا کہ اپنی مرضی کا ممبر کمیٹی میں شامل کرکے من مرضی کی گئی جو غیر جمہوری رویہ اور ون مین شو ہے۔

خط کے متن میں ان کا کہنا ہے کہ کوئی وجہ بتائے بغیر جسٹس منیب اختر کو کمیٹی سے ہٹا دیا گیا اور جسٹس منیب اختر کو کمیٹی سے ہٹانے کی وجوہات بھی نہیں بتائی گئی۔

 

Advertisement
رجحانات
Advertisement