کسی شخص کے لئے ترمیم کے حق میں نہیں، مولانا فضل الرحمن

جمیعت علمائے اسلام کے سربراہ مولانا فضل الرحمن کا کہنا ہے کہ کسی شخص کے لئے ترمیم کے حق میں نہیں۔
اسلام آباد میں سینئر صحافیوں کے ساتھ ملاقات میں سربراہ جے یو آئی مولانا فضل الرحمن کا کہنا تھا کہ ایکسٹینشن مفادات  کی بنیاد پر نہیں ضرورت  کی بنیاد پر ہونی چاہیئے، خواہش ہے کہ آئینی ترامیم اتفاق رائے سے منظور ہو۔

انہوں نے کہا کہ دو صوبے مسلح گروہ کے قبضے میں ہیں، ایک صوبے سے قوم پرست اور دوسرے سے مذہبی جماعتوں کو دھاندلی کے ذریعے باہر کیا گیا۔

سربراہ جے یو آئی کا کہنا تھا کہ بلوچستان اور کے پی میں ریاست کی عملداری ختم ہوگئی ہے، قوم پرست علیحدگی کی بات کریں تو داخلی مسئلہ قرار دے دیا جاتا ہے۔

انہوں نے کہا کہ آئینی عدالت کے قیام کے حق میں ہیں، شہباز شریف نے صرف اتنا کہا کہ ہمیں سپورٹ کرو، افتخار چودھری کے لئے سب نے جدوجہد کی لیکن اس نے سب کا جو حشر کیا وہ سامنے ہے۔