ایل پی جی کی قیمت میں مسلسل اضافہ

تفصیلات کے مطابق حکومت کی جانب سے  ایل پی جی کی قیمت میں مسلسل اضافہ کیا جا رہا ہے۔

ذرائع کے مطابق اس مہینہ کے آخر تک دوبارہ قیمتوں میں اضافہ متوقع ہے۔ قیمتوں میں اضافہ کے بعد گھریلوسلنڈر کی قیمت میں 71 روپے اور کمرشل سلنڈر کی قیمت میں 276روپے اضافہ ہوگیا ہے۔

چیئرمین ایل پی جی ایسوسی ایشن کا کہنا ہے کہ 30 جون کو ملک بھر میں ہڑتال کی جائے گی،نئی پالیسی سے ملک میں ایل پی جی نایاب ہوگئی ہے سرکاری ادارے اوجی ڈی سی ایل نے قیمتوں میں اضافہ کیا ہے۔

ان کا مزید کہنا تھا کہ پاکستان کو ایک لاکھ ٹن ایل پی جی کی کمی کا سامنا ہے ہمارے ملک کی کھپت ایک لاکھ ساٹھ ہزار ٹن ہے جبکہ پیداوار 60ہزار ٹن ہے۔ طلب بڑنے سے ملک میں ایل پی جی کا بحران پیدا ہوگیا ہے جس کی وجہ سے قیمتوں میں اضافہ ہورہا ہے۔

انہوں نے کہا کہ حکومت کو چاہیے کہ فوری طّور پر ایل پی جی امپورٹ کرے ورنہ بحران سنگین صورتحال اختیار کر لے گا ۔

عرفان کھوکھر نے حکومت سے مطالبہ کرتے ہوئے کہا ہے کہ ایل پی جی امپورٹ پر فوری طور پر ٹیکس ختم کیا جائے۔