ڈالر مزید مہنگا ہو گیا

تفصیلات کے مطابق ملکی تبادلہ مارکیٹوں میں ڈالر کی قدر بڑھنے کا سلسلہ منگل کو بھی برقرار رہا۔ انٹربینک تبادلہ مارکیٹ میں ڈالر کی قدر آج 68 پیسے بڑھ کر 158 روپے 18 پیسے ہوگئی ہے۔انٹربینک میں کاروباری ہفتے کے ابتدائی دو دنوں میں ڈالر ایک روپیہ 30 پیسے مہنگا ہوا ہے۔اوپن مارکیٹ میں آج ڈالر کی قدر 80 پیسے بڑھ کر 158 روپے 80 پیسے ہوگئی ہے۔

Interbank closing #ExchangeRate for today:https://t.co/E5KZbP7ofC pic.twitter.com/ChAP4HeGPW

— SBP (@StateBank_Pak) June 22, 2021

دوسری جانب آج ملک میں سونے کی فی تولہ قیمت میں 450 روپے کا اضافہ ہوا ہے۔

سندھ صرافہ بازار جیولرز ایسوسی ایشن کے مطابق اس اضافے کے بعد سونے کی فی تولہ قیمت1 لاکھ 9 ہزار 300 روپے ہوگئی۔اسی طرح 10 گرام سونے کی قیمت 386 روپے اضافے سے 93 ہزار 707 روپے ہوگئی۔

ایسوسی ایشن کے مطابق عالمی صرافہ مارکیٹ میں سونے کی قیمت 2 ڈالر اضافے سے 1785 ڈالر فی اونس ہے۔