پی آئی اے کا خصوصی طیارہ مزید20 لاکھ ویکسین کی خوراکیں لے کر اسلام آباد پہنچ گیا

تفصیلات کے مطابق قومی ائرلائن پی آئی اے کا ایک خصوصی طیارہ چین سے کورونا ویکسین کی بیس لاکھ خوراکیں لیکر اسلام آباد پہنچ گیا ہے ۔ پی کے 6852 نے چین کے شہر بیجنگ سے اسلام آبادپہنچی ،  ہنگامی امدادی ادارے کے حکام نے اسلام آباد میں بین الاقوامی ہوائی اڈے پر ویکسین وصول کی۔ این ڈی ایم اے،  این سی او سی کے تحت بین الاقوامی مارکیٹ سے ویکسین خرید رہی ہے۔ این سی او سی سے جاری بیان کے مطابق کوویڈ - 19 خوراکوں  کی آمد کے بعد اب پاکستان کے پاس کافی ویکسین موجود ہوں گی۔

این سی او سی  کاکہنا ہے  کہ تمام ضروری   مراکز   میں  خوراکوں  کو ان کی ضرورت کے مطابق منتقل کرنے کے لئے اقدامات اٹھائے گئے ہیں۔پاکستان میں گزشتہ ہفتے ویکسین کی قلت کا سامنا کرنا پڑا تھا اور عوام کی جانب سے احتجاج بھی کیا گیا ۔

واضح رہے کہ نیشنل کمانڈاینڈآپریشن سنٹر(این سی او )  کے مطابق ملک بھر میں کورونا سے مزید 39 افراد جاں بحق ہوگئے جس کے بعد کوروناسےانتقال کرنےوالوں کی تعداد22ہزار73ہو گئی ہے ۔ملک  میں کورونا کیسز کی مجموعی تعداد9لاکھ50ہزار768ہوگئی ہے ۔