قومی اسمبلی کا اجلاس 18 اکتوبر کو بلانے کا فیصلہ، آئینی ترمیم پیش کیے جانے کا امکان

حکومت نے 18 اکتوبر کو قومی اسمبلی کے اجلاس بلانے کا فیصلہ کیا ہے،اتحادیوں کو اسلام آباد پہنچنے کی ہدایت،جبکہ قومی اسمبلی سیکرٹریٹ کو اجلاس کے حوالے سے تیاریوں کا حکم دے دیا گیا۔
ذرائع کے مطابق قومی اسمبلی اجلاس میں 26 ویں آئینی ترمیم کا مسودہ بھی پیش کیے جانے کا امکان ہے،حکومت نےاس سلسے میں اتحادی جماعتوں کے ایم این ایز اور سینٹرز کو اسلام آباد میں پہنچنے کی ہدایت کر دی ہے۔
خیال رہے کہ حکومتی آئینی ترمیم کے حوالے سے اتفاق رائے پیدا کرنے کی کوشیشں کی جا رہی ہے جے یو آئی کے سربراہ مولانا فضل الرحمن  نے حکومتی کی جانب سے ُپیش کیے جانے والے آئینی ترمیم کے مسودے کو مسترد کر دیا ہے۔
ذرائع کے مطابق قومی اسمبلی سیکرٹریٹ کوقومی اسمبلی کے اجلاس کے حوالے سے تیاریوں کی ہدایت کر دی گئی ہے۔