جوہر ٹاؤن دھماکے سے قبل کھڑی مشکوک گاڑی کی ویڈیو منظرے عام پر

تفصیلات کے مطابق دھماکے سے قبل سامنے آنے والی فوٹیج میں دیکھا جاسکتا ہے کہ کالے رنگ کی گاڑی گلی کے کونے پر کھڑی ہے۔

ویڈیو میں نیلے شلوار قمیص میں ملبوس شخص اترتے دیکھا جاسکتا ہے، مشکوک شخص گاڑی میں بیٹھ کر دوبارہ اترتا ہے۔متعلقہ شخص گاڑی دھماکے سے آدھا گھنٹے قبل کھڑی کرکے چلا جاتا ہے۔

ذرائع کے مطابق جوہر ٹاؤن بم دھماکے میں استعمال ہونے والی گاڑی چوری کی ہے، گاڑی کا رنگ کالااور 2010ماڈل کی گاڑی کے اصل مالک کو حراست میں لے لیا گیا ہےجبکہ گاڑی کے اصل مالک کا تعلق حافظ آباد سے ہے۔

وفاقی وزیرداخلہ شیخ رشید احمد نے بھی جوہرٹاؤن لاہور دھماکے کا نوٹس لیتے ہوئے چیف سیکرٹری اور آئی جی پنجاب سے رپورٹ طلب کرلی تھی۔

وزیر داخلہ نے دھماکے سے زخمی ہونے والوں کی جلد صحتیابی کے لئےدعا کرتے ہوئے کہا تھا کہ دھماکے کی نوعیت کاپتہ لگایاجارہاہے، وفاقی ادارےتحقیقات میں پنجاب حکومت کی معاونت کررہے ہیں۔

واضح رہے جوہر ٹاؤن میں دھماکے بعد صوبائی دارالحکومت لاہور کی سکیورٹی ہائی الرٹ کردی گئی, ڈی آئی جی آپریشنز  نے شہر کے داخلی، خارجی راستوں پر سکیورٹی بڑھانے کا حکم دیدیا، ڈی آئی جی آپریشنز نے ہدایت کی ہے کہ چیک پوسٹوں پر چیکنگ کا عمل مزید سخت کیاجائے۔