پاکستان
آئینی ترامیم، شیخ وقاص اکرم نے اپنے منحرف ممبران کےنام شیئر کردیئے
ان کے حلقہ کے لوگوں کو جو دھوکہ انہوں نے دیا ہے اسکا حساب ووٹر خود لے گا
پی ٹی آئی رہنما شیخ وقاص اکرم بے بھی 26 ویں آئینی ترامیم کے حوالے سے اپنے ممکنہ منحرف ممبران میں سے کچھ نام شیئر کردیئے۔
چند اور کے نام بھی آپ سے شئیر کئے جائیں گے ……ان لوگوں نے اپنی آنے والی نسلوں کو بھی منہ دکھانے کے قابل نہیں چھوڑا…برائی کو برائی کہنا ہم سب پر فرض ہے۔ ان کے حلقہ کے لوگوں کو جو دھوکہ انھوں نے دیا ہے اسکا حساب ووٹر خود لے گا pic.twitter.com/YPMWEkKFdH
— Sheikh Waqas Akram (@SheikhWaqqas) October 20, 2024
شیخ وقاص کے مطابق پی ٹی آئی کے ٹکٹ پر جیتنے والے ایم این اے، چوہدری الیاس، عثمان علی، مبارک زیب، ظہور قریشی، اورنگزیب کھچی نے پارٹی پالیسی کے خلاف جاتے ہوئے آئینی ترامیم کے حق میں ووٹ دیا۔
پی ٹی آئی کے سیکرٹری اطلاعات شیخ وقاص اکرم نے سماجی روابط کی ویب سائٹ ایکس پر بتایا کہ ’چند اور کے نام بھی آپ سے شئیر کئے جائیں گے، ان لوگوں نے اپنی آنے والی نسلوں کو بھی منہ دکھانے کے قابل نہیں چھوڑا‘۔
انہوں نے مزید کہا کہ برائی کو برائی کہنا ہم سب پر فرض ہے، ان کے حلقہ کے لوگوں کو جو دھوکہ انہوں نے دیا ہے اسکا حساب ووٹر خود لے گا۔
پاکستان
آزادی مارچ توڑ پھوڑ کیس، علی امین گنڈا پور کو اشتہاری قرار دینے کی کارروائی کا آغاز
عدالت نے وزیر اعلیٰ خیبر پختونخوا کو اشتہاری قرار دینے کے لیے ضابطہ فوجداری کی دفعہ 87 کی کارروائی کا آغاز کر دیا
انسداد دہشت گردی عدالت نے آزادی مارچ کے دوران توڑ پھوڑ کے الزامات کے تحت درج مقدمے میں علی امین گنڈا پور کے خلاف اخبار میں اشتہار جاری کرنے کا حکم دے دیا۔
عدالت نے وزیر اعلیٰ خیبر پختونخوا کو اشتہاری قرار دینے کے لیے ضابطہ فوجداری کی دفعہ 87 کی کارروائی کا آغاز کر دیا ہے۔
جج طاہر عباس سپرا نے اسلام آباد کی انسداد دہشت گردی عدالت میں تحریک انصاف کے رہنماؤں کے خلاف لانگ مارچ توڑ پھوڑ کیس کی سماعت کی، پی ٹی آئی وکلاء سردار مصروف و دیگر عدالت پیش ہوئے۔
عدالت نے وزیرِ اعلیٰ خیبر پختونخوا علی امین گنڈا پور کو اشتہاری قرار دینے کی کارروائی شروع کر دی جبکہ فیصل جاوید کی جانب سے حاضری سے استثنیٰ کی درخواست عدالت نے منظور کر لی۔
بعدازاں اسلام آباد کی انسداد دہشتگردی عدالت نے کیس کی مزید سماعت 21 نومبر تک ملتوی کر دی۔
واضح رہے کہ وزیراعلیٰ خیبر پختونخوا علی امین گنڈاپور کی مسلسل عدم پیشی پر عدالت نے ناقابل ضمانت وارنٹ گرفتاری جاری کر رکھے تھے۔
پاکستان
26ویں آئینی ترمیم کا مسودہ متفقہ ہے اور یہ وہی پارلیمانی کمیٹی نے پیش کیا تھا، اعظم نذیر تارڑ
وفاق کے ساتھ ساتھ صوبوں میں بھی آئینی بینچز بنائے جائیں گے، وفاقی وزیر قانون
وفاقی وزیر قانون عطا تارڑ نے کہا ہے کہ 26ویں آئینی ترمیم کا مسودہ متفقہ ہے اور یہ وہی مسودہ ہے جو پارلیمانی کمیٹی نے پیش کیا تھا، آج 26ویں آئینی ترمیم پارلیمنٹ میں پیش ہونے جارہی ہے۔وفاق کے ساتھ ساتھ صوبوں میں بھی آئینی بینچز بنائے جائیں گے۔
وفاقی وزیر قانون اعظم نذیر تارڑ نے وزیر اطلاعات عطاءاللہ تارڑ کے ہمراہ پارلیمنٹ ہاؤس کے باہر میڈیا سے گفتگو کرتے ہوئے کہا کہ آج پارلیمان کی بالادستی کے حوالے سے تاریخی دن ہے، آئینی ترامیم پر طویل مشاورت جاری رہی، جس میں کسی سیاسی جماعت کو باہر نہیں رکھا گیا، کسی قسم کی عجلت کا مظاہرہ نہیں کیا گیا۔
انہوں نے کہا کہ آئینی ترمیم 26 نکات پر مشتمل ہے، یہ متفقہ مسودہ ہے جس میں جے یو آئی نے پانچ ترامیم تجویز کی ہیں، کابینہ نے جے یو آئی کی ترامیم کو ووٹ دینے کا فیصلہ کیا، وفاق اور صوبوں میں بھی آئینی بینچز بنائے جائیں گے، صوبائی اسمبلی کے پاس اپنی ہائی کورٹس میں آئینی بینچز بنانے کا اختیار ہوگا، آئینی ججز کی نامزدگی چیف جسٹس پاکستان کی سربراہی میں جوڈیشل کمیشن کرے گا۔
انہوں نے بتایا کہ جوڈیشل کمیشن کی نئی ہیئت ہوگی، چیف جسٹس پاکستان، سپریم کورٹ کے 4 سینئر ججز اور 4 پارلیمنٹیرینز جن میں 2 سینیٹرز اور دو ایم این اے شامل ہوں گے، جن میں سے 2 کا تعلق اپوزیشن اور دو کا حکومت سے ہوگا، وزیر قانون اور اٹارنی جنرل بھی اس کا حصہ ہوں گے، پارلیمنٹ سے باہر یعنی غیر منتخب غیر مسلم رکن اور خاتون بھی کمیشن میں شامل ہوں گے۔
وزیر قانون نے بتایا کہ چیف جسٹس پاکستان کی تقرری اس پیکج کا حصہ ہے اور ان کی مدت تین سال مقرر کی گئی ہے جبکہ ریٹائرمنٹ کی عمر 65 سال ہوگی، 12 رکنی پارلیمانی کمیٹی دو تہائی اکثریت سے چیف جسٹس کا نام تجویز کرے گی، ججز کی کارکردگی کا جائزہ لیا جائے گا، جس کی بنیاد پر انہیں ترقی دی جائے گی۔
علاقائی
بختاور بھٹو زرداری کے ہاں تیسرے بیٹے کی پیدائش
تیسرے بیٹے کی پیدائش گزشتہ روز 20 اکتوبر 2024 کو ہوئی ہے
سابق صدر آصف علی زرداری اور سابق وزیر اعظم بے نظیر بھٹو شہید کی بڑی صاحبزادی بختاور بھٹو زرداری کے ہاں تیسرے بیٹے کی پیدائش ہوئی ہے۔
فوٹو اینڈ ویڈیو شیئرنگ پلیٹ فارم انسٹا گرام پر سٹوری اور پوسٹ شیئر کرتے ہوئے بختاور بھٹو نے یہ خوش خبری اپنے چاہنے والوں کو دیتے ہوئے اس نعمت پر اللہ تعالیٰ کا شکر بھی ادا کیا۔ تیسرے بیٹے کی پیدائش گزشتہ روز 20 اکتوبر 2024 کو ہوئی ہے۔
View this post on Instagram
بختاور بھٹو زرداری کے تیسری بار ماں بننے اور بیٹے کی پیدائش کی خبر سوشل میڈیا پر شیئر کرتے ہی مبارک باد اور نیک خواہشات کا سلسلہ شروع ہو گیا ہے۔
یاد رہے کہ بلاول بھٹو زرداری کی بہن بختاور بھٹو زرداری کی 31 جنوری 2021 کو محمود چودھری کے ساتھ شادی ہوئی تھی اور تیسرے بیٹے سے بڑے دو بیٹے میر حاکم محمود چودھری اور میر سجاول محمود چودھری ہیں۔
-
تجارت 2 دن پہلے
ہیٹرک، سونے کی قیمت میں مسلسل تیسرے روز بڑا اضافہ
-
جرم 2 دن پہلے
ہائی کورٹ نے ڈی جی ایف آئی اے سے نجی کالج کی طالبہ کے معاملے کی رپورٹ طلب کرلی
-
پاکستان ایک دن پہلے
آئینی ترمیم کے مسودے پر اتفاق کے بعد مولانافضل الرحمن نے نیا مطالبہ کر دیا
-
پاکستان 2 دن پہلے
پی ٹی آئی نے چار رکنی قانونی ٹیم سے مسودہ کی جانچ کا وقت مانگ لیا
-
پاکستان 20 گھنٹے پہلے
26 ویں آئینی ترمیم، وفاقی کابینہ نے مسودے کی منظوری دے دی
-
پاکستان ایک دن پہلے
پاکستان تحریک انصاف کے 5 رکنی وفد کی عمران خان سے ملاقات مکمل
-
علاقائی 21 گھنٹے پہلے
بلوچستان اسمبلی کے اقلیتی رکن ایس ایم پیٹرک انتقال کرگئے
-
پاکستان ایک دن پہلے
پاکستان تحریک انصاف کے 5 افراد کو عمران خان سے ملنے کی اجازت مل گئی