لکی مروت: مسافر بس پر ڈاکووں کی فائرنگ ،8 افراد زخمی

لکی مروت مسافر بس پر ڈاکووں کی فائرنگ سے 8 افراد زخمی ہو گئے۔

پولیس کے مطابق مسافر بس اسلام آباد سے بنوں جارہی تھی کہ  راستے میں  ڈاکوؤں نےبس روکنے کا اشارہ کیا جس پر ڈرائیور نے گاڑی روکنے کے بجائے بھگا دی، ڈاکوؤں نے کوچ نہ روکنے پر فائرنگ شروع کر دی۔

ڈاکووں کی جانب سے فائرنگ کے نتیجے میں متعدد مسافر زخمی ہوگئے، زخمیوں کوقریبی  ڈی ایچ کیو ہسپتال منتقل کر دیا گیا۔

بس انتظامیہ کے مطابق دس سے بارہ رہزنوں کا گروہ تھا، کوچ نہ روکنے پر ڈاکؤں نے فائرنگ کردی، آٹھ گولیاں کوچ پر لگی ہیں۔

دوسری جانب پولیس نے پیش آنے والے واقعے کی تحقیقا ت شروع کر دی ہیں۔