کون ہو گا امریکہ کا نیا وزیر خارجہ؟ ٹرمپ نے نام فائنل کر لیا، اعلان جلد متوقع

حالیہ انتخابات میں منتخب ہونے والے ری پبلکن امیدوار ڈونلڈٹرمپ نے اپنا صدارتی عہدہ سنبھالنے سے قبل ہی حکومت کی تشکیل کےلیے اہم تقرریوں کا اعلان کرنا شروع کر دیا ہے، ڈونلڈ ٹرمپ 20 جنوری کو اپنے عہدے کا حلف اٹھائیں گئے۔

امریکی میڈیا رپورٹس  کے مطابق نو منتخب امریکی صدر ڈونلڈ ٹرمپ نے وزیر خارجہ کے لیے فلوریڈا سے تعلق رکھنے والے سینیٹر روبیو کے نام پر اتفاق کرلیا ہے،جبکہ مائیکل والز کو قومی سلامتی مشیر بنائے جانے کی توقع ہے، اس حوالے سے اعلان جلد متوقع ہے۔

مائیکل والز ڈونلڈ ٹرمپ کے قریبی ساتھی ہیں اور افغانستان کی جنگ لڑ چکے ہیں، وہ 5 نومبر کو ہوئے انتخابات میں رکن کانگریس  کے رکن منتخب ہوئے ہیں، ان کا تعلق بھی فلوریڈا ہی سے ہے۔

جبکہ اس سے قبل  ڈونلڈ ٹرمپ وائٹ ہاؤس کے چیف آف اسٹاف کے اہم عہدے کے لیے اپنی انتخابی مہم کی خاتون سربراہ سوزی کے نام کا اعلان کرچکے ہیں جو امریکی تاریخ میں اس عہدے پر فائز ہونے والی پہلی خاتون ہوں گی۔

واضح  رہے کہ نومنتخب امریکی صدر ٹرمپ اقوام متحدہ میں امریکی مندوب کے لیے نیویارک سے تعلق رکھنے والی خاتوں اور ٹرمپ کی انتخابی مہم کے لیے فنڈ ریزنگ کی ذمہ داری سنبھالنے والی ایلس اسٹیفانک کے نام کا اعلان کرچکے ہیں۔

امریکی میڈیا رپورٹس کے مطابق صدارت سنبھالتے ہی ڈونلڈ ٹرمپ کئی ایگزیکٹو آرڈر جاری کرنے کا بھی ارادہ رکھتے ہیں۔