دہشت گردوں کے خلاف کامیاب آپریشنز پر وزیر اعظم کا سیکیورٹی فورسز کو خراج تحسین

وزیراعظم محمد شہباز شریف نے ضلع جنوبی وزیرستان اور ضلع لکی مروت میں خوارجی دہشت گردوں کے خلاف سیکیورٹی فورسز کی جانب سے کیے گئے کامیاب آپریشنز کو سراہتے ہوئے ان کی جرات و بہادری کو خراج تحسین پیش کیا ہے۔
وزیراعظم نے ان آپریشنز میں مطلوب دہشت گرد سمیت 8 خوارجی دہشت گردوں کو ہلاک کرنے پر سیکیورٹی فورسز کی کارکردگی کو قابل ستائش قرار دیا۔

وزیراعظم نے ایک بار پھر اس عزم کا اعادہ کیا کہ پاکستان سے ہر قسم کی دہشت گردی کے مکمل خاتمے کے لیے تمام ممکنہ اقدامات کیے جائیں گے۔

وزیراعظم نے اپنے بیان میں کہا کہ وطن عزیز کی حفاظت کے لیے سیکیورٹی فورسز ہمیشہ سیسہ پلائی دیوار کی طرح دشمن کے سامنے کھڑی رہی ہیں، اور “پوری قوم دہشت گردی کے خلاف جنگ میں پاک فوج کے ساتھ کھڑی ہے۔