صدر مملکت نے قومی اسمبلی  کا اجلاس 10 دسمبر کو طلب کر لیا

صدر مملکت آصف  علی زرداری نے قومی اسمبلی کا اجلاس 10 دسمبر کو طلب کر لیا۔

تفصیلات کے مطابق صدر پاکستان  نے وزیراعظم شہباز شریف کی ایڈوائس پر قومی اسمبلی کا اجلاس شام 5 بجے طلب کیا ہے، اجلاس میں معمول کا ایجنڈا زیر بحث آئے گا۔

ذرائع کے مطابق قومی اسمبلی اجلاس میں دینی مدارس سے متعلق قانون سازی کا معاملہ بھی زیر غور آنے کا امکان ہے۔

واضح رہے ک مولانا فضل الرحمان نے حکومت کو مدارس رجسٹریشن سے متعلق معاہدے پر دستخط کے لیے 8 دسمبر تک کا وقت دیا ہے، جبکہ جے یو آئی کے رہنما مولانا عبد الغفور حیدری نے مطالبات پورے نہ ہونے پر اسلام آباد کا رخ کرنے کا عندیہ دیا تھا۔