ایکس پر  پابندی کے خلاف درخواست سماعت کے لیے مقرر

اسلام آباد ہائیکورٹ میں سوشل میڈیا ایپس ایکس پر پابندی کے خلاف دائر درخواست سماعت کے لیے مقرر ہو گئی۔

اسلام آباد ہائیکورٹ کے چیف جسٹس عامر فاروق سوشل میڈیا ایپ ایکس ( ٹوئٹر) پر پابندی کے خلاف درخواست پر 6 فروری 2025 کو کریں گے۔

چیف جسٹس اسلام آباد ہائیکورٹ جسٹس عامر فاروق نے کیس موسمِ سرما کی چھٹیوں کے بعد مقرر کرنے کی ہدایت کی، اسلام آباد ہائیکورٹ کے رجسٹرار آفس نے کیس 6 فروری 2025 کو سماعت کیلئے مقرر کر دیا۔ 

واضح رہے کہ اس سے قبل 2مئی اور 11 جون کو ایکس کی بندش کے خلاف کیس مقرر ہوا لیکن سماعت نہ ہو سکی تھی، 22 نومبر کو کیس جلد سماعت کیلئے مقرر کرنے کی متفرق درخواست منظور کی گئی۔