ملازمین  کی ریٹائرمنٹ عمر 55 سال کرنے کی تجویز وزیراعظم کو پیش

اسلام آباد:وزیراعظم شہباز شریف کو سرکاری ملازمین کی ریٹائرمنٹ کی عمر 55 سال کرنے کی تجویز پیش کردی گئی۔

ذرائع وزارت خزانہ کے مطابق وزیر اعظم کو سرکاری ملازمین کی  55 سال کی عمر میں ریٹائرمنٹ کے حوالے سے تجویز اور اس پر بریفنگ دی گئی ہے تاہم اس پر کوئی فیصلہ نہیں ہو سکا،ابھی تک صرف تجویز ہی سامنے آئی ہے،

ذرائع کے مطابق اگر 55 سال کی عمر میں ریٹائرمنٹ کا فیصلہ ہوا تو اس کا اطلاق صرف سول ملازمین پر ہوگا۔

 اجلاس میں وزیر اعظم کو 55 سال میں ریٹائرمنٹ کی حد مقرر کرنے پر مثبت رسپانس نہیں ملا۔

تاہم اگر ریٹائرمنٹ کے حوالے سے پچپن سال کی عمر کا تعین کیا جاتا ہے تو اس وقت متعدد بیوروکریٹس ریٹائر ہو سکتے ہیں، بیوروکریسی 55 سال میں ریٹائرمنٹ کی خواہش مند نہیں ہے۔