چیف جسٹس یحییٰ آفرید ی کا گوادر سب جیل کا دورہ،قیدیوں کو ملنے والی سہولیات کا جائزہ

چیف جسٹس آف پاکستان جسٹس یحیی آفریدی نے  گوادر سب جیل کا دورہ کیا اور جیل میں قیدیوں کوملنے والی سہولیات کا جائزہ لیا۔

چیف جسٹس پاکستان ملک کےدور دراز علاقوں کے دورے پر ہیں، چیف جسٹس کے ان دوروں  کا مقصد قیدیوں کو ملنے فراہم کردہ اور کریمنل جسٹس سسٹم میں اصلاحات کے لیے اقدامات کا جائزہ لینا ہے۔

سپریم کورٹ کی جانب سے جاری کردہ اعلامیے کے مطابق   بلوچستان میں اپنے دورے کے دوسرے روز چیف جسٹس آف پاکستان نے سب جیل گوادر کا دورہ کیا اور جیل   زیر سماعت قیدیوں کو فراہم کی جانے والی سہولیات کا جائزہ لیا۔ 

چیف جسٹس نے قیدیوں کی فلاح و بہبود اور انفرا اسٹرکچر کی بہتری پر توجہ اور صوبے کے ہر ڈویژن میں ایک جیل کے قیام پر زور دیا۔

علاوہ ازیں چیف جسٹس نے بلوچستان کے ہر ڈویژن میں جیل کے قیام کی ضرورت پر بھی زور دیا۔ حکام نے چیف جسٹس کو مکران اور ژوب میں جیلوں کے قیام کی یقین دہانی کروائی۔

سب جیل گوادر کے دورے میں جسٹس بلوچستان ہائیکورٹ جسٹس ہاشم کاکڑاور مانیٹرنگ جج برائے جیل خانہ جات جسٹس روزی خان بڑیچ بھی ہمراہ تھے۔