ایچ بی ایل پاکستان سپر لیگ کے 10ویں ایڈیشن کے لیے غیر ملکی کھلاڑیوں کی رجسٹریشن کا عمل شروع  ہوگیا۔ 

تفصیلات کےمطابق  ایچ بی ایل پی ایس ایل پلیئرز کا ڈرافٹ 11 جنوری کو شیڈول ہے ،کیٹگری کی تجدید کا اعلان 17 دسمبر کو کیا جائے گا جبکہ پی ایس ایل 8 اپریل سے 19 مئی 2025 کے درمیان شیڈول ہے۔ 

سی ای او پیس ایس ایل سلمان نصیر کا کہناہے  ایچ بی ایل پی ایس ایل ایک ایسا برانڈ ہے جس پر ہم سب کو فخر ہے، تاریخی 10 واں سیزن سب کے لیے مزید جوش و خروش پیدا کرے گا ۔  

پاکستان کی زرعی برآمدات میں نمایاں اضافہ ہو رہا ہے، ٹریکٹروں کا پہلا کنسائمنٹ تنزانیہ پہنچا، جو بین الاقوامی تجارت میں ایک سنگ میل کی حیثیت رکھتا ہے۔
کینیا-تنزانیہ کی مسائی ٹریکٹا کمپنی نے پاکستان کے ساتھ شراکت داری کی ہے تاکہ اس کی زرعی مشینری کو تنزانیہ میں متعارف کرایا جا سکے۔

اس شراکت داری میں پاکستانی صنعتکاروں اور مسائی ٹریکٹا کمپنی کے درمیان تعاون شامل ہے تاکہ پاکستانی مشینری کو تنزانیہ کی مارکیٹ میں پیش کیا جا سکے۔

پاک ٹریکٹرز ہاؤس کمپنی کی قیادت میں اس اقدام کا مقصد نئی بین الاقوامی منڈیوں میں رسائی حاصل کرنا ہے۔

یہ ترقی پاکستان کی زرعی مشینری کی تجارت میں توسیع اور عالمی تجارتی شراکت داریوں کو فروغ دینے کے عزم کو اجاگر کرتی ہے۔

یہ برآمد مشرقی افریقی ممالک کے ساتھ تجارتی تعلقات کو مضبوط بنانے کے لیے پاکستان کی وسیع تر کوششوں کا حصہ ہے۔

اقتصادی حکام اس بات کو پاکستان کے مینوفیکچرنگ شعبے کی بین الاقوامی تجارت کی صلاحیت کے طور پر دیکھتے ہیں۔

واضح رہے کہ یہ ترقی مشرقی افریقہ کے لیے زرعی مشینری کی مزید برآمدات کے دروازے کھولتی ہے۔

دفتر خارجہ کے مطابق پاکستان اور بیلجیئم کے درمیان تیسری دوطرفہ سیاسی مشاورت کا اجلاس آج برسلز میں منعقد ہوا۔
سیاسی مشاورت میں پاکستانی وفد کی قیادت ایڈیشنل سیکریٹری خارجہ شفاعت علی خان نے کی، جبکہ بیلجیئم وفد کی قیادت ڈائریکٹر جنرل برائے دوطرفہ امور، سفیر جیرون کورمین نے کی۔

اس دوران سیاسی تعلقات، تجارت و سرمایہ کاری اور سائنس و ٹیکنالوجی کے شعبوں میں تعاون پر بھی تفصیل سے تبادلہ خیال کیا گیا۔

ترجمان دفتر خارجہ کے مطابق اجلاس میں فریقین نے دوطرفہ تعلقات کی موجودہ پیشرفت پر اطمینان کا اظہار کیا۔

دونوں ملکوں نے اس بات پر زور دیا کہ دوطرفہ ایجنڈے کو آگے بڑھانے کے لیے مشاورت کی اہمیت کو اجاگر کیا جائے۔