اسرائیل کی جانب سے شام پر حملے جاری ہیں جس میں شامی فوجی اہداف کو نشانہ بنایا گیا ہے۔

غیر ملکی میڈیا کے مطابق اسرائیلی جنگی طیاروں نے شام میں فضائی کارروائی تیز کرتے ہوئے گزشتہ 48 گھنٹوں میں اسٹریٹیجک فوجی اہداف پر480 حملے کیے۔

اس کے علاوہ اسرائیل نے  البیضا اور لطاکیہ بندرگاہ پر 15 بحری جہازوں کو نشانہ بنایا جب کہ دارالحکومت دمشق اور دیگر اہم شہروں میں ہتھیاروں کی تیاری کے مقامات پر بھی حملے کیے۔

رپورٹس میں بتایا گیا ہے کہ اسرائیل نے زیر قبضہ گولان کی پہاڑیوں کے مشرق میں ایک بفر زون میں فوج بھیج دی ہے جس نے 70سے 80 فیصد شام کے اسٹریٹیجک فوجی اثاثوں کو تباہ کردیا ہے۔

دوسری جانب روس نے اسرائیلی حملوں کو شام اسرائیل امن معاہدے کی خلاف ورزی قرار دیا گیا ہے۔

میڈیا رپورٹس کے مطابق اسرائیلی اخبار نے تبصرے میں کہا کہ نیتن یاہو غزہ سے شمالی شام تک گریٹر اسرائیل منصوبے پر گامزن ہیں۔

وزیر اعلی پنجاب مریم نواز شریف کا کہنا ہے کہ چین  نہ صرف معاشی میدان میں تیزی سے ترقی کی بلکہ   ماحولیاتی آلودگی پر قابو پانے کے لیے شاندار اقدامات کیے، ہم اپنے پڑوسی ملک چین کے ان تجربات سے فائدہ اٹھانا چاہتے ہیں۔

مریم نواز ان دنوں چین کےسرکاری دورہ پر ہیں،وزیر اعلی مریم نواز نے  شنگھائی میں موسمیاتی تبدیلی سے متعلق کانفرنس سے خطاب کرتے ہوئے کہا کہ پاک چین تعلقات مزید مضبوط ہو رہے ہیں، چین کے ساتھ مل کر مختلف شعبوں میں کام کریں گے، چین کے ساتھ تعلقات کو قدر کی نگاہ سے دیکھتے ہیں۔

تقریب سے خطاب کرتے ہوئے مریم نواز نے کہا کہ پنجاب میں چین کے اشتراک سے کئی منصوبوں پر کام جاری ہے، اس دورے سے قبل آخری دفعہ 32 سال پہلے چین آئی تھی، اس دفعہ آئی تو مختلف ملک دیکھا، دوست ملک کی ترقی موجودہ تاریخ کا معجزہ ہے، یہ مکمل بدل چکا، یہ ترقی پاکستان جیسے ممالک اور مجھ جیسے نئے لوگوں کے لیے حوصلہ افزا ہے۔

وزیر اعلیٰ پنجاب نے کہا کہ چین صرف معاشی معجزہ نہیں ہے بلکہ یہ دیگر شعبوں، انفرا اسٹرکچر، تربیت یافتہ افرادی قوت، صنعتی، تخلیقی شعبے کے علاوہ آلودگی کو قابو کرنے، دھویں کو کم اور ختم کرنے میں بھی اس کے اقدامات حیرت انگیز ہیں

بالی وڈ کنگ شاہ رخ خان نے اپنی رہائشگا’’منت “کی مزید 2 منزلیں اضافہ کرنے کا فیصلہ کر لیا۔

غیر ملکی خبر رساں ایجنسی کے مطابق بالی وڈ اداکار شاہ رخ خان کی رہائشگاہ “منت” ممبئی میں واقع ہے،  جس کا شمار عالیشان جائیدادوں میں ہوتا ہے،  جو سمندر کنارے موجود ہے ، بالی وڈ اداکار کی اہلیہ گوری نے مہاراشٹرا کوسٹل زون مینجمنٹ اتھارٹی کو عمارت میں اضافے کیلئے  درخواست لکھ دی۔ جس میں عمارت کے لیے مزید 616 مربع میٹر کا رقبہ (2 اضافی منزلیں) شامل کرنے کی اجازت طلب کی گئی ہے۔

شاہ رخ خان کی رہائشگا اس وقت 2 بیسمنٹ، ایک گراؤنڈ فلور سمیت 6 منزلوں پر مشتمل ہے ، منت نمیں مزید اضافے کے منصوبے میں 25 کروڑ روپے تک کی لاگت آئے گی۔

واضح رہے کہ بالی وڈ اداکار نے سال 2001 میں “منت” کو خریدا تھا، گریڈ تھری ورثے کی حیثیت کے باعث اس عمارت میں مزید اضافے کی اجازت نہیں تھی جس کے باعث شاہ رخ خان نے 6 منزلہ ڈھانچہ ہے تعمیر کیا تھا۔

واضح رہے کہ بھارتی اداکار کے مطابق اس وقت ان کے گھر کی قیمت 200 کروڑ بھارتی روپے ہے۔