وفاقی وزیر تجارت کی زیر صدارت ٹی ڈی اے پی بورڈ کا اجلاس

وفاقی وزیر برائے تجارت جام کمال کی زیر صدارت ٹی ڈی اے پی تجارت و سرمایہ کاری کی ترقی کے ادارے کے بورڈ کا اجلاس منعقد ہوا۔
اجلاس میں ادارے کی ساخت اور کارکردگی میں بہتری کے لیے اصلاحات پر زور دیا گیا۔

 وزیر تجارت نے کہا کہ ٹی ڈی اے پی کی ساخت کو مزید مؤثر بنانے کی ضرورت ہے تاکہ ادارہ بہتر طور پر کام کر سکے اور ملک کی تجارتی سرگرمیوں کو فروغ دے سکے۔

اجلاس میں معروف بزنس مین زبیر موتی والا اور دیگر اہم اراکین نے شرکت کی۔ اجلاس میں 14 نکاتی ایجنڈے کے تحت ٹی ڈی اے پی کی تنظیمی کارکردگی کا جائزہ لیا گیا۔

جام کمال نے ٹیکسپو کے انتظامات پر بھی تشویش کا اظہار کیا اور کہا کہ غیر ملکی مہمانوں کی موجودگی میں سیکیورٹی کے مضبوط انتظامات انتہائی ضروری ہیں۔