شوگر مافیا ایک بار پھر سرگرم، چینی کی قیمت میں بڑا اضافہ

سٹے بازوں اور ذخیرہ اندوزوں کے سرگرم ہونے کے باعث چینی کی قیمت میں بڑا اضافہ ہو گیا ہے۔

چینی ایک ہفتے کے دوران فی کلو 10 سے 15 روپے مہنگی کر دی گئی ہے ، سٹے بازوں نے فیوچر ٹریڈ کے نام پر جنوری کیلئے چینی مزید 8 روپے فی کلو مہنگی کرنے کی نوید سنا ہے۔

ایکس مل ریٹ 115 سے 125 روپے پر پہنچ گیا ہے ، جس کے بعد بڑے دکاندار چینی 130 سے 135 روپے جبکہ چھوٹے دکاندار چینی 140 سے 150 روپے فی کلو میں فروخت کر رہے ہیں۔

ڈیلرز نے دسمبر کے دوران تھوک میں چینی کی فی کلو قیمت 128 جبکہ جنوری میں 133 روپے ہونے کا امکان بھی ظاہر کر دیا ہے۔