تامل فلم پشپا کےہیرو الو ارجن گرفتاری کے بعد جیل سے رہا

مشہور تامل اداکار الو ارجن کو گرفتاری کے بعد آج صبح حیدرآباد کی جیل سے رہا کیا گیا۔

 رہائی کے بعد پشپا اسٹار الو ارجن نے میڈیا سے گفتگو کرتے ہوئے کہا کہ جو کچھ ہوا مجھے  اس پر افسوس ہے اور میں معذرت خواہ ہوں۔ اس موقع پر انہوں نےاپنے  مداحوں کا شکریہ ادا کرتے ہوئے کہا کہ فکر کی کوئی بات نہیں۔

 الو ارجن کا مزید کہنا تھا کہ میں قانون کی پابندی کرنے والا شہری ہوں اور مقدمے کے سلسلے میں پولیس سے تعاون جاری رکھوں گا۔

بھارتی میڈیا رپورٹس نے بتایا کہ اللوارجن کی جیل سے رہائی کا ایک ویڈیو سامنے آیا ہے۔ اس ویڈیو میں تیلگو اداکار کو اپنے خاندان سے ملتے دیکھا جا سکتا ہے۔ ویڈیو میں اللوارجن کی بیوی، بیٹا اور بیٹی نظر آرہے ہیں، اللوارجن اپنے شوہر کی رہائی پر جذباتی ہو کر انہیں گلے لگارہی ہے۔

واضح رہے  کہ ساؤتھ فلم پشپا  کے اسٹار ہیرو الو ارجن کوگزشتہ روز حیدرآباد پولیس کی جانب سے  گرفتار کیا گیا تھا،ان کی گرفتاری حیدر آباد میں فلم ’پشپا 2‘ کے پریمیئر کے دوران بھگدڑ کے نتیجے میں ہونے والی ہلاکت کے  مقدمے میں کی گئی تھی۔

 4 دسمبر کو پشپا 2 کی ریلیز کے موقع پر بھگدڑ میں 39 سالہ خاتون ہلاک اوران کا بیٹا  زخمی ہوگیا تھا۔