یونان کشتی حادثہ: جاں بحق ہونے والوں کی  لاشیں سفارتخانہ اپنے اخراجات پر پاکستان روانہ کریگا، پاکستانی سفیر

یونان میں پاکستانی سفیر عامرآفتاب قریشی نے کہا ہے کہ کشتی حادثہ میں جاں بحق ہونے والے پاکستانیوں کی لاشیں سفارتخانہ اپنے اخراجات پرپاکستان روانہ کریگا۔

سفیر عامرآفتاب قریشی نے پریس کانفرنس کرتے ہوئے کہا کہ کمیٹی کوہدایت دی گئی ہے کہ جلد از جلد وزیراعظم کورپورٹ پیش کرے،ان کا مزید کہنا تھا کہ  جولوگ اس مکروہ کاروبارمیں ملوث ہیں انہیں کیفرکردارتک پہنچایا جائے گا۔

پریس کانفرنس میں عامر آفتاب قریشی نے کہا کہ کشتی حادثے میں درجنوں پاکستانی اب بھی لاپتا ہیں، انہوں نے کہا کہ کتنا افسوسناک ہے کہ یہ لوگ نامعلوم جگہ پرہزاروں فٹ گہرے سمندرمیں ڈوب گئے،جن کی تلاش کے لیے  ریسکیوآپریشن جاری ہے مگر بچنےکی امیدیں کم ہیں۔

واضح رہےکہ لیبیا سے غیرقانونی طریقے سے جانے والی5 کشتیوں پرپاکستانی سوارتھے، کشتیوں کو حادثہ ضرورت سے زیادہ افراد سوار ہونےکی وجہ سے پیش آیا، متاثرہ کشتوں میں پاکستانی بچےبھی تھے، یہ حادثہ 13 دسمبر کو یونان کےجزیرہ کریٹ کے جنوب میں  پیش آیا تھا جس میں 4  پاکستانیوں کے جاں بحق ہونے کی تصدیق ہوئی تھی۔