موسم کی خرابی کے باعث، پی آئی اے طیارے کی 8منٹ تک بھارتی حدود میں اڑان

تفصیلات کے مطابق   واقعہ جمعے کے روز پیش آیا تھا، ہنگامی صورتحال کی وجہ سے پیشگی اجازت لی گئی۔

ذرائع کے مطابق  کراچی سے لاہور جانے والی پرواز پی کے 306نے مختصروقت کے لیے بھارتی حدود استعمال کی، جس وقت جہازلاہور کے قریب پہنچا تو اس وقت جہاز کے اپنے مقررہ روٹ پر سفرجاری رکھنے کے لیے موسم سازگارنہیں تھا، غیرمعمولی موسمی حالات کے پیش نظراورمسافروں کی قیمتی جانوں کے تحفظ کی وجہ سے قوانین کے تحت جہاز کےعملے کو بھارتی حدود کا استعمال ناگزیر ہوگیا تھا۔

ترجمان پی آئی اے کا کہنا ہے کہ   دوران پرواز جہاز کے کپتان نے لاہوراوردہلی ائرٹریفک کنٹرول سے کلیئرنس حاصل کی، دونوں ممالک کے مابین موجودہاٹ لائن پرمبنی ایلفا کنٹرول،ائرڈیفنس کلیئرنس بھی موجودتھی۔ جہاز کو بھارتی حدود سے گذار کراسلام آباد ائرپورٹ پر اتاراگیا۔