ذلفی بخاری کا مبینہ دورہ اسرائیل، دفتر خارجہ کا درعمل سامنے آگیا

تفصیلات کے مطابق ترجمان دفتر خارجہ کا کہنا ہےکہ ذلفی بخاری کے دورہ اسرائیل کی خبریں بے بنیاد اور گمراہ کن ہیں، اسرائیل کا ایسا کوئی دورہ نہیں کیا گیا ہے،ذلفی بخاری کی طرف سے دوٹوک بیان بھی جاری کیا گیا ہے۔

DIDNOT go to Israel.
Funny bit is Pakistani paper says I went to Israel based on "Israeli news source" & Israeli paper says I went to Israel based on a “Pakistani source”-wonder who this imaginative Pakistani source is?

Apparently, I’m the only one who was kept out of the loop. https://t.co/bcRO3osWMk

— Sayed Z Bukhari (@sayedzbukhari) June 28, 2021

ترجمان دفتر خارجہ کے مطابق 18 دسمبر 2020 کوبھی وزارت خارجہ نےایسی بے بنیاد خبروں کو مسترد کردیا تھا۔

ترجمان کا کہنا ہےکہ اسرائیل کے معاملے پر پاکستان کے اصولی مؤقف میں کوئی تبدیلی نہیں آئی ہے۔

خیال رہے کہ اسرائیلی اخبار نے دعویٰ کیا ہے کہ وزیراعظم عمران خان کے معاون خصوصی برائے اوورسیز پاکستانیز ذلفی بخاری نے نومبر 2020 میں موساد چیف سے ملاقات کے لیے اسرائیل کا مختصر خفیہ دورہ کیاتھا۔

رپورٹ میں دعویٰ کیا گیا ہےکہ پاکستانی عہدیدار جو برطانیہ کے شہری ہیں انہوں نے اپنے برطانوی پاسپورٹ کا فائدہ اٹھاتے ہوئے اسلام آباد سے لندن سفر کیا اور اس کے بعد اسرائیل کے بن گوریان ائیرپورٹ پہنچے جہاں انہوں نے اسرائیلی دفتر خارجہ کے سینیئر حکام سے ملاقات کی۔

واضح رہے رپورٹ میں دعویٰ کیا گیا تھا کہ ذلفی بخاری نے وزیراعظم عمران خان کا پیغام پہنچایا جبکہ سابق موساد چیف یوسی کوہن سے ملاقات میں ایک اہم پاکستانی شخصیت کا پیغام پہنچایا۔رپورٹ میں دعویٰ کیا گیا ہےکہ یہ دورہ اور ملاقاتیں متحدہ عرب امارات کے دباؤ پر کی گئیں۔