شکارپور:ڈاکوؤں کے دو گرہوں کے درمیان فائرنگ سے تین ڈاکو ہلاک

شکارپور کے چھوٹے علاقے کوٹ شاہو میں ڈاکوؤں کے دو گرہوں کے درمیان فائرنگ سے 3 ڈاکو ہلاک ہوگئے۔
سینئر سپرنٹنڈنٹ پولیس (ایس ایس پی) شکارپور کے مطابق کوٹ شاہو میںڈاکوؤں کےدرمیان شدید فائرنگ کا تبادلہ ہوا، جس میں 3 ڈاکو ہلاک اور 2 زخمی ہوگئے۔
ہلاک ہونے والوں میں بدنام زمانہ ڈاکو نور حسن بڈانی، اللہ ورایو بڈانی اور سبحان تیغانی شامل ہیں۔
ایس ایس پی کا کہنا تھا کہ سندھ حکومت نے مقتول ڈاکو نور حسن کے لیے ایک کروڑ روپے انعام کا اعلان کیا تھا۔
ایس ایس پی کے مطابق مقتول ڈاکو اغواء برائے تاوان، قتل، ڈکیتی اور پولیس پر حملوں میں مطلوب تھا۔ انہوں نے بتایا کہ زخمی ڈاکو ساتھیوں سمیت فرار ہو گئے جن کی تلاش جاری ہے۔