شدید دھند کے باعث موٹرویز مختلف مقامات سے بند

لاہور: ملک کے مختلف شہروں میں دھند چھائی ہوئی ہے،جس کی وجہ سے  متعدد مقامات پر موٹروے بند کردی گئی ہیں۔
موٹروے ایم ٹو لاہور سے کوٹ مومن تک ٹریفک کے لیے بند کر دی گئی، شدید دھند کے باعث موٹروے ایم تھری فیض پور سے درخانہ تک بند کر دیا گیا، موٹروے ایم فور کو بھی بند کر دیا گیا۔
قومی شاہراہوں پر بھی حد نگاہ انتہائی کم رہی، جھنگ، صفدر آباد، گوجرہ اور گگو منڈی میں دھند کے باعث ٹریفک کی روانی شدید متاثر ہوئی، گاڑیوں کی لمبی قطاریں لگ گئیں۔
ترجمان موٹرویز کے مطابق موٹرویز عوام کے تحفظ کو یقینی بنانے کے لیے بند کی گئی ہیں۔ شہریوں کو چاہیے کہ وہ دن کی روشنی میں سفر کرنے کو ترجیح دیں۔