پلوامہ کے بعد ڈرون کا ڈرامہ، بھارت میں بھی سوال اٹھنے لگے

تفصیلات کےمطابق بھارت کی شر انگیزیاں جاری  ہیں ،   مقبوضہ کشمیر میں ڈرون حملہ  پر بھارت میں بھی سوال اٹھنے لگے  ہیں ،  ایس سی او کانفرنس سے پہلے ہی اجیت دوول نے ڈرون حملے کاراگ الاپنا شروع کر دیا۔  مقبوضہ کشمیر سےمتعلق آل پارٹیز کانفرنس ناکام  ہوچکی ہے اور اس ناکامی  پر  بھارت  کو اپنے ہی ملک میں  مشکل کا سامنا ہے ۔ بھارت میں لوگوں کا مودی سے اعتماد اٹھنے لگا اور یہ سوالات کئے جا رہے ہیں کہ گزشتہ الیکشن سے قبل مودی سرکار کی جانب سے پلوامہ ڈرامہ رچایا گیا ، جس میں بھارتی وزیر اعظم نے اپنے ہی  لوگ مروائے ہیں ۔ کیا ہر الیکشن سے پہلےمودی اوربی جے پی اپنے ہی لوگوں اور فوجیوں کو نشانہ بناتے رہیں گے؟۔

بھارتی میڈیا  کے مطابق بھارت کے چیف آف ڈیفنس بپن روات اور بھارتی ائیر چیف میں اختیارات کی جنگ ہے،  بپن راوت اور بھارتی ایئر چیف کی چپقلش کا نتیجہ مقبوضہ کشمیر میں انڈین ایئر فورس پر ڈرون حملہ کی صورت میں نکلا ہے ۔ جنرل بپن راوت کی بطور سی ڈی ایس تقرری کو انڈین سروسز چیفس ایک سیاسی تقرری مانتے ہیں جبکہ بپن راوت کی سروسز کے اندرونی معاملات میں مداخلت پہلے بھی ناخوشگوار حالات پیدا کر چکی ہے۔  اس سے قبل بھارتی ایئر فورس اوربپن راوت کے درمیان سرد جنگ کے کئی پہلو پہلے بھی منظر عام پر آچکے ہیں۔

خیال رہے کہ 27 جون کو مقبوضہ کشمیرجموں ایئرپورٹ کے ہائی سکیورٹی ٹیکنِیکل ایریا میں   دو  ڈرون دھماکے ہوئے تھے دھماکوں کے باعث عمارت کی چھت تباہ ہو گئی  ، دھماکوں کے وقت ایئرپورٹ پر اعلیٰ سطح کااجلاس جاری تھا۔انڈین  ایئر فورس کے آفیشل ٹوئٹر اکاونٹ سے ایک ٹویٹ میں کہا گیا ہےکہ جموں ایئر فورس اسٹیشن کے تکنیکی ایریا میں اتوار کی صبح دو کم شدت والے دھماکے ہوئے ہیں ۔ کسی فوجی  سامان کو کوئی نقصان نہیں ہوا۔  سول ایجنسیوں کے ساتھ مل کر تفتیش جاری ہے۔