نواز شریف کے پوتے زید حسین نواز کی دعوت ولیمہ کی تقریب کا اہتمام، مختلف ممالک سے مہمانوں کی شرکت

جاتی عمراسربراہ مسلم لیگ ن و سابق وزیراعظم نواز شریف کے پوتے زید حسین نواز کی دعوت ولیمہ کی تقریب کا اہتمام کیا گیا جس میں امریکہ، بھارت ،برطانیہ اور اٹلی سے مہمانوں نے شرکت کی.
دعوت ولیمہ کا اہتمام شمیم فارم ہاؤس جاتی امرا رائیونڈ پر کیا گیا،دعوت ولیمہ کے لئے جاتی امرا میں عارضی مارکی قائم کی گئی ہے، ولیمہ کیلئے تقریبا 700 مہمانوں کو دعوت دی گئی ہے،دعوت ولیمہ میں شریک مہمانوں کو شدید سردی سے بچانے کے لئے ہیٹرز کا بھی اہتمام کیا گیا۔ 
سربراہ مسلم لیگ ن نواز شریف ،وزیراعظم شہباز شریف ،نائب وزیر اعظم اسحاق ڈار، علی ڈار،سابق وزیراعلی پنجاب حمزہ شہباز   نے شرکت  کی،وزیراعلی پنجاب مریم نواز، اسماء ڈار، حسن نواز  حسین نواز اور ان کے اہلخانہ بھی دعوت ولیمہ میں شریک ہوئےا،ان کے علاوہ ولیمہ کی تقریب میں پرویز رشید، سہیل ضیاء بٹ، عمر سہیل ضیا ء بٹ ،علی ڈار، جنید صفدر، خواجہ محمد آصف، صوبائی وزیر مریم اورنگزیب، ،معاون خصوصی زیشان ملک ،حاجی طلعت، اشتیاق لون، میاں حنیف، عارف حمید بٹ نے شرکت کی۔ 

مہمانوں میں سعید احمد، غزل سعید، عدنان سعید، ثناء سعید،علینہ بدر، تیلسم، سعید توقیر، مسز داؤد، ایشوانی اروڑا، مسز ونڈانہ اروڑا، کمال اسوال، مسز منیشا اسوال، دانش اسوال، مسز ریتو اسوال، مسٹر ادیتیا، سنجیو گارج، مسز رینو گارج، نمت میہرا، وجے اروڑا، مسز وجے اروڑا، کمال پوپلئی، ابھینواوسوال، اشیتا اوسوال، راجیو گولاٹی، گگن کھنہ، مسز نومیتا کھنہ، پراہلڈ ببر، وریندر ببر، محمد شیریانہ، مینو ملہوترا، ڈیونڈر موہن ملہوترا بھی شامل تھے۔ 

مہمانوں نے زید حسین نواز اور ایمن حبیب کو شادی مبارکباد دی اور تحائف پیش کیے ،پارٹی کی سینئر قیادت، ملکی و غیر ملکی مہمان بھی ولیمہ میں شریک ہوئے۔ دعوت ولیمہ کی تقریب کے لئے سکیورٹی کے انتہائی سخت  انتظامات کیے گئے ،جاتی امرا اور اطراف کے علاقے میں پولیس کی بھاری نفری تعینات کی گئی جبکہ درختوں پر خوبصورت لائٹس لگا دی گئیں،سڑک کنارے خوبصورت پھولوں والے گملے بھی رکھے گئے ہیں،جاتی امرا کی ایک سائیڈ کی سڑک کو عام ٹریفک کے لئے بند رکھا گیا ،ایک سائیڈ کی سڑک پر دعوت ولیمہ میں مدعو مہمانوں کی گاڑیوں کے لئے مختص کی گئی ہے ۔ 

جاتی امرا کے اندر کے راستے کو برقی قمقموں سے سجایا گیا ہےاور رنگ و نور کی برسات سے ماحول انتہائی خوبصورت نظر آ رہا ہے۔ 

واضح رہے کہ دعوت ولیمہ میں شرکت کے لئے مہمانوں کی آمد کا سلسلہ شروع ہو گیا۔