کرم میں امن معاہدے پر اتفاق رائے کیلئے منگل کو گرینڈ جرگہ طلب

وزیر اعلیٰ خیبرپختونخوا علی امین گنڈا پور کے مشیر اطلاعات محمد علی سیف نے کہاہے کہ ضلع کرم میں پائیدار امن کیلئے دونوں قبائل کے درمیان اتفاق ہوگیاہے۔

انہوں نے اتوار کے روز پشاور میں امن کی بحالی کے حوالے سے صحافیوں سے گفتگو کرتے ہوئے کہا کہ معاملات پر غور کیلئے جرگہ منگل کو دوبارہ بلایا جائے گا۔

وزیراعلیٰ کے مشیر نے کہامشاورتی عمل مکمل ہونے کے بعد دونوں جانب سے معاہدے پر دستخط کیے جائیں گے۔

محمد علی سیف نے کہا ایپکس کمیٹی کے فیصلوں کی روشنی میں علاقے میں تمام بنکرز منہدم کرنے کے علاوہ قبائلیوں کو غیر مسلح کیا جائے گا۔