یونان کشتی حادثے میں ہلاک ہونے والے مزید چا ر افراد کی لاشیں مل گئیں

یونان میں پیش آنے والے کشتی حادثے میں لاپتہ پاکستانیوں کے حوالے سے افسوسناک خبر سامنے آ گئی ہے۔
ایف آئی اے کے مطابق یونان کشتی حادثے میں جاں بحق مزید 4 پاکستانیوں کی لاشیں مل گئی ہیں جس کے بعد پاکستانیوں کی لاشوں کی تعداد 9 ہو گئی ہے۔ 
ہلاک ہونے والوں کی شناخت زین علی ، شبیر اور ذیشان کا تعلق نارووال جبکہ اویس علی کا تعلق سیالکوٹ سے بتایا جا رہا ہے۔
ایف آئی اےحکام کے مطابق یہ لاشیں یونان کے جزیرے گیواڈوس سے ایتھنز کے اسپتال منتقل کر دی گئی ہیں جس کے بعد پاکستانی سفارتخانہ لاشوں کو پاکستان بھجوانے کے انتظامات کر رہا ہے۔ لاشیں پاکستان لانے میں ایک ہفتہ لگ سکتا ہے۔
واضح رہے کہ کشتی لیبیا کے علاقے تبروک سے یونان جاتے ہوئے 13 اور 14 دسمبر کی رات حادثے کا شکار ہو گئی تھی۔