برطانیہ مقیم پاکستانی دوطرفہ تعلقات میں پل کا کردارادا کررہے ہیں،خواجہ آصف

پاکستان میں برطانیہ کی ہائی کمشنر مز جین میریٹ نے بدھ کے روز اسلام آباد میں وزیر دفاع  خواجہ محمد آصف سے ملاقات کی۔

اس موقع پروزیر دفاع نے کہا پاکستان اور برطانیہ کے تعلقات عالمی امن و سلامتی کے مشترکہ مقاصد کیلئے مستحکم ہوئے ہیں ، انہوں نے کہا کہ برطانیہ میں مقیم بڑی تعداد میں پاکستانی دونوں ملکوں کے درمیان پل کا کردار ادا کررہے ہیں۔

وزیر دفاع نے امید ظاہر کی کہ قائم فورمز کے ذریعے جاری دفاعی تعاون سے دونوں ملکوں کے درمیان د فاعی تعاون کے شعبے میں نمایاں ترقی ہو گی۔

انہوں نے دونوں ملکوں کے درمیان جاری تعاون پر اطمینان کا اظہار کیا او ر تعلقات کو مزید مستحکم بنانے کی ضرورت پر زور دیا۔