7 روزمیں جوڈیشل کمیشن نہ بنا تو چوتھی میٹنگ نہیں ہو گی،چئیرمین بیرسٹر گوہر

راولپنڈی:چیئرمین پاکستان تحریک انصاف ( پی ٹی آئی) بیرسٹر گوہر علی خان کا کہنا ہے کہ اگر ایک ہفتے میں جو ڈیشل کمیشن نہیں بنتا تو مذاکرات کی چوتھی نشست نہیں ہو گی۔

راولپنڈی میں ڈیالہ جیل کے باہر میڈیا سے گفتگو کرتے ہوئے بیرسٹر گوہر نے کہا کہ عرفان صدیقی حکومتی مذاکراتی کمیٹی کے ترجمان ہیں، ان کے لیے مناسب نہیں کہ وہ مذاکرات کو تعطل کا شکار کریں، ہماری جو ملاقات ہوئی وہ امن وامان کی صورتحال پر ہوئی ہے اور اس ملاقات کا مسئلہ نہیں کھڑا کرنا چاہیے۔ 
میڈیا سے گفتگو کرتے ہوئے چئیرمین بیرسٹر گوہر نے کہا کہ ہماری شرط ہے کہ9 مئی اور 26 نومبر کے واقعات پر جوڈیشل کمیشن بنایا جائے،انہوں نے حکومت کو دھمکی دیتے ہوئے کہا کہ اگر 7 دن میں کمیشن نہ بنا تو چوتھی میٹنگ نہیں ہو گی۔

پریس کانفرنس میں ان کا کہناتھا کہ حکومت کو گھبراہٹ ہو رہی ہے کیونکہ یہ فارم 47 کی حکومت ہے، ہم حکومت کا انتظار کر رہے ہیں کہ وہ کیا پیشرفت بتاتے ہیں،انہوں نے کہا کہ حکومت کو اس وقت مذاکرات پر توجہ دینی چاہیے،اور ہم سمجھتے ہیں کہ مذاکرات کی کامیابی پاکستان کی کامیابی ہے،ان کا کہنا تھا کہ اگر کمیشن نہیں بننے جا رہا تو مذاکرات کا کوئی فائدہ نہیں ہو گا۔
بیرسٹر گوہر علی خان نےمیں ہمیشہ کہتا ہوں تحمل اور برداشت کے ساتھ مذاکرات پر فوکس کرنا چاہیے، بات آگے بڑھانے کے لیے جلد بازی کے بجائے تحمل سے کام لینا ہوگا۔