عالمی و مقامی مارکیٹوں میں سونا پھر مہنگا،فی تولہ کتنے کا ہو گیا؟

کراچی:کاروباری ہفتے کے پہلے روزبین الاقوامی و مقامی مارکیٹوں میں سونے کی قیمت میں ایک دفعہ پھر اضافہ ریکارڈ کیا گیا۔
آل پاکستان جیمز اینڈ جیولرز ایسوی ایشن کے مطابق کاروباری ہفتے کے پہلے روز مقامی صرافہ مارکیٹوں میں سونے کی قیمت میں500روپے کا اضافہ دیکھا گیا، جس کے بعد24 گرام فی تولہ سونے کی قیمت بڑھ کر2لاکھ 82 ہزار 900روپے ہو گئی ہے۔
 اسی طرح 10 گرام سونے کی فی تولہ قیمت 429روپے کا اضافہ ہوا جس کے بعد دس گرام سونے کی نئی قیمت 2 لاکھ 42 ہزار541 روپے ہو گئی ہے۔ 
جبکہ عالمی مارکیٹ میں فی اونس سونے کی قیمت 5ڈالر کا اضافہ ہوا ہے جس کے بعد عالمی مارکیٹ میں سونے کی قیمت  2708 ڈالر کی سطح پر آگئی۔
سونے کی قیمت میں اضافے کے برعکس فی تولہ چاندی کی قیمت 9روپے کی کمی سے 3372روپے اور فی دس گرام چاندی کی قیمت بھی 8روپے کی کمی سے 2890 روپے کی سطح پر آگئی۔