سندھ ہائیکورٹ میں تعینات ہونے والے 12 ایڈیشنل ججز کل حلف اٹھائیں گے

کراچی:سندھ ہائیکورٹ میں تعینات ہونے والے 12 نئے ا یڈیشنل ججز کل اپنے عہدے کا حلف اٹھائیں گے۔
حلف برداری کی تقریب صبح ساڑھے دس بجے سندھ ہائیکورٹ میں منعقد ہوگی،چیف جسٹس سندھ ہائیکورٹ جسٹس محمد شفیع صدیقی نئے ججز سے حلف لیں گے۔
نئےتعینات ہونے والے ججز میں جسٹس میراں محمد شاہ، جسٹس تسنیم سلطانہ، جسٹس ریات علی سحر، جسٹس محمد حسن اکبر، جسٹس خالد حسین شاہانی، جسٹس عبدالحامد بھرگڑی، سید فیض الحسن شاہ، جسٹس جان علی جونیجو، جسٹس نثار احمد بھمرو، جسٹس علی حیدر ادا، محمد عثمان علی ہادی اور جسٹس محمد جعفر رضا شامل ہیں۔
 حلف برداری کے بعد یہ ججز اپنی ذمہ داریاں سنبھالیں گے،یہ تقرریاں عدالتی نظام کی بہتری اور انصاف کی بروقت فراہمی کو یقینی بنانے کے لیے کی گئی ہیں۔
خیال رہے کہ گزشتہ روز صدر مملکت آصف علی زرداری کی جانب سے نئے ایڈیشنل ججزوں کی تقرری کی منظوری دی گئی تھی۔نوٹیفیکشن کے مطابق نئے تعینات ہونے والے ججز ایک سال تک اپنی ذمہ داریاں نبھائیں گے۔