کراچی :پورٹ قاسم کے قریب گیس پائپ لائن پھٹ گئی،2 افراد جاں بحق،4کی حالت نازک

کراچی :شہر قائد کے علاقے پورٹ قاسم کے قریب ایک نجی کمپنی میں گیس پائپ لائن پھٹنے سے 2 افراد جاں بحق اور 4 افراد کی حالت غیر ہوگئی۔
تفصیلات کے مطابق پورٹ قاسم کے قریب کمپنی میں گیس پائپ لائن پھٹنے سے حالت غیر ہونے والے چاروں افراد کو فوری طبی امداد کے لیے چھیپا ایمبولینس کے ذریعے جناح اسپتال منتقل کردیا گیا ہے۔
چھیپا ذرائع کے مطابق جاں بحق ہونے والے دونوں افراد کی شناخت 40 سالہ ناظم اور 45 سالہ کامران کے ناموں سے ہوئی ہے۔جبکہ حالت غیرہونے والوں میں 30 سالہ تنویر ولد ممتاز، 40 سالہ خالد اور 2 نامعلوم افراد شامل جنہیں چھیپا ایمبولینس کے ذریعے اسپتال پہنچایا گیا۔
حکام کا کہنا ہے کہ گیس پائپ لائن دھماکے کی تحقیقات جاری ہیں اور دھماکے کی وجہ جاننے کی کوشش کی جا رہی ہے۔