سنگجانی جلسہ کیس :رہنما پی ٹی آئی اعظم سواتی کی ضمانت منظور ، رہا کرنے کا حکم

لاہور:لاہور ہائیکورٹ نےسنگجانی جلسہ کیس میںپاکستان تحریک انصاف کے رہنما اعظم خان سواتی کی ضمانت منظور کرتے ہوئےان کو رہا کرنے کا حکم دیدیا۔
اعظم سواتی کی درخواست ضمانت پر سماعت لاہور ہائیکورٹ راولپنڈی بنچ کے جسٹس صداقت علی نے کی۔
دوران سماعت وکلاء صفائی بابر اعوان، سہیل خان اور عثمان علی نے درخواست ضمانت پر دلائل دیئے،دلائل سننے کے بعد عدالت نے اعظم سواتی کی ضمانت منظور کرتے ہوئے ان کی رہائی کا حکم جاری کر دیا۔
خیال رہے کہ رہنما تحریک انصاف اعظم سواتی کے خلاف تھانہ ٹیکسلا میں مقدمہ درج کیا گیا تھا، اس سے قبل اعظم سواتی کو 5 نومبر کو اٹک جیل کے باہر سے گرفتار کیا گیا تھا اس وقت وہ اٹک جیل میں قید ہیں۔