شہباز شریف نے کسی کو کوئی پیغام نہیں بھیجا:مریم اورنگزیب نے فواد چوہدری کو جھوٹا قراردیدیا

تفصیلات کے مطابق پاکستان مسلم لیگ (ن) کی ترجمان مریم اورنگزیب  نے  وزیر اطلاعات فواد چوہدری کے بیان پر ردعمل دیتے ہوئے کہا ہے کہ فواد چودھری جھوٹ بول رہے ہیں، وہ پروپیگنڈا مشین ہیں، شہباز شریف نے کسی کو کوئی پیغام نہیں بھیجا ہے ۔ انہوں نے کہاکہ شہباز شریف کیسے منع کرتے؟ میٹنگ اسپیکر نے بلائی تھی،   فواد چودھری کے پاس کوئی سرکاری دستاویز ہے ؟شہباز شریف یا شہباز شریف کے دفتر کی کوئی سرکاری خط و کتابت ہے تو دکھائیں؟ مریم اورنگزیب نے  سوال کرتے ہوئے کہاکہ کیا عمران صاحب کرونا کی نیشنل پارلیمانی میٹنگ سے شہباز شریف کے کہنے پہ چلے گئے تھے ؟ قومی اہمیت اور سلامتی  کے دیگر معاملات پر عمران صاحب کیا شہباز شریف کے کہنے پر نہیں آئے تھے؟ ۔ نیشنل کمیشن آن دی سٹیٹس آف ویمن کی چیئرپرسن کی تعیناتی کے لئے مشاورت سے بھی شہباز شریف نے عمران صاحب کو منع کیا تھا؟ ۔

یاد رہے کہ فواد چوہدری نے ایک نجی چینل کے  پروگرام میں کہا  تھا کہ شہباز شریف کی طرف سے اسپیکر قومی اسمبلی کو پیغام گیا تھا کہ اگر وزیراعظم قومی سلامتی کمیٹی کے اجلاس میں آئے تو وہ نہیں آئیں گے۔