خارجہ امور وفاق کے دائرہ کار میں آتے ہیں،دفتر خارجہ کا بیرسٹر سیف کے بیان پر ردعمل

اسلام آباد:دفتر خارجہ نے مشیر اطلاعات خیبر پختونخوا بیرسٹر محمد علی سیف کے افغانستان سے متعلق بیان پر ردعمل دیتے ہوئے کہا ہے کہ  خارجہ امور وفاق کے دائرہ کار میں آتے ہیں۔
تفصیلات کے مطابق ترجمان دفتر خارجہ شفقت علی خان نے ایک بیان میں کہا کہ ملکی خارجہ امور وفاق کے دائرہ کار میں آتے ہیں، انہوں نے مزید کہا کہ مشیر اطلاعات بیرسٹر سیف کا افغانستان کے دورے سے متعلق ایک بیان نظر سے گزرا ہے۔
ترجمان نے یہ بھی کہا کہ مشیر اطلاعات خیبر پختونخوا نے اپنے بیان میں کہا تھا کہ وہ اپنی تیاری کر کے وفاق سے رابطہ کریں گے۔
واضح رہے کہ مشیر اطلاعات کے پی بیرسٹر محمد علی سیف نے کہا کہ کے پی حکومت نے افغانستان کے دورےکے لیے ٹی اوآرز تیارکرلیےہیں،بیرسٹرسیف نے بات چیت کے لیے وفد افغانستان بھیجنے کی تصدیق کی تھی۔
 ’ بیرسٹر سیف نے کہا کہ افغان طالبان سے بات چیت کے لیے 2 رکنی وفد افغانستان جائیں گے،ٹی او آرز میں کہا کہ گی پہلاوفد مذاکرات کے لیے ماحول سازگاربنائے گا، پہلا وفد سفارتی امور نمٹائے گا، جبکہ دوسرا وفد کئی اسٹیک ہولڈرز پر مشتمل ہوگا، بیرسٹرسیف کو رابطہ کاری کیلئے فوکل پرسن نامزد کیا گیا۔