سینیٹ کی تنخواہوں اور الاؤنسز میں اضافے سے متعلق بل متفقہ طور پر منظور

سینیٹ نے اراکین پارلیمنٹ اور سینیٹ کی تنخواہوں اور الاؤنسز میں اضافے سے متعلق بل کو متفقہ طور پر منظور کر لیا۔
یہ بل سینیٹر دنیش کمار کی جانب سے پیش کیا گیا تھا، جس میں اراکین کی تنخواہوں اور دیگر مالی مراعات میں اضافہ کرنے کی تجویز دی گئی تھی۔

وزیر پارلیمانی امور اعظم نذیر تارڈ نے اس بل کی منظوری کے بعد کہا کہ جو اراکین تنخواہیں نہیں لینا چاہتے، انہیں اپنے نام درج کروا لینے چاہیے۔

اعظم نذیر نے مزید کہا کہ جن اراکین کو تنخواہوں میں اضافے پر اعتراض ہے، وہ اپنی رضا مندی سے اپنے نام دے سکتے ہیں تاکہ ان کی تنخواہیں اس اضافے سے مستثنیٰ رکھی جا سکیں۔

ان کا کہنا تھا کہ صوبوں میں بھی اسی طرح کا اقدام اٹھایا گیا ہے جہاں اراکین کو اضافی تنخواہوں پر اعتراض تھا۔