اقتصادی تبدیلیوں میں سعودی عرب کا اثرورسوخ بڑھ رہا ہے ، وزیر خزانہ

وزیرخزانہ محمد اورنگزیب نے پاکستان سے سعودی عرب کیلئے برآمدات بالخصوص ہنرمند افرادی قوت میں اضافے کی ضرورت پرزوردیا ہے۔

انہوں نے کہاکہ خطے میں ہونے والی اقتصادی تبدیلیوں میں سعودی عرب کا اثرورسوخ بڑھ رہا ہے اور پاکستان ویژن 2030 کے تحت ایک مثالی ماڈل کے طورپر سعودی عرب کی ترقی کا معترف ہے۔

انہوں نے ابھرتی ہوئی منڈی کی معیشتوں کے بارے  العلاء کانفرنس  کے موقع پر  عرب نیوز کو ایک انٹرویو میں بتایاکہ یہ سعودی عرب کی افرادی قوت بڑھانے کے تناظر میں انتہائی اہم ہے۔

وزیرخزانہ نے پاکستان میں خصوصاً کاروباری شعبے میں سعودی عرب کی بڑھتی ہوئی   سرمایہ کاری کو بھی اجاگر کیا۔

انہوں نے کہا کہ پاکستان میں ڈھانچہ جاتی تبدیلیوں کا آغاز ہورہا ہے اور اس سلسلے میں اسے معاشی اصلاحات میں سعودی عرب کے قائدانہ کردارسے سیکھنے کی ضرورت ہے۔