چیمپئنز ٹرافی : فخر زمان انجری کے باعث باہر ، امام الحق کو شامل کر لیا گیا

انجری کے باعث فخر زمان کے چیمپئنز ٹرافی سے باہر ہونے کے بعد آئی سی سی ایونٹ ٹیکنیکل کمیٹی نے  قومی اسکواڈ میں امام الحق کی شمولیت کی اجازت دے دی۔

ایونٹ ٹیکنیکل کمیٹی میں وسیم خان،عثمان واہلہ،سارا ایڈگر اور شان پولگ شامل ہیں ۔ 

 واضح رہے کہ  پاکستان کرکٹ بورڈ کی جانب سے فخر زمان کے انجری کے باعث چیمپئنز ٹرافی سے آؤٹ ہونے کی تصدیق کر دی گئی تھی بعد ازاں  پی سی بی  نے  فخر زمان کے متبادل کھلاڑی کے لیے آئی سی سی سے رابطہ کیا تھا۔

 فخر زمان کے ایونٹ سے باہر ہونے کے بعد  قومی پاکستان کرکٹ بورڈ کی جانب سے متبادل کھلاڑی کے نام پر غور کیا جا رہا تھا تاہم اب امام  الحق کو فخر زمان کی جگہ اسکواڈ میں شامل کرلیا گیا ہے۔