ڈھائی لاکھ سے زائد مریضوں کو مفت علاج کی فراہمی ، وزیراعظم کی خیبرپختونخوا حکومت کومبارکباد

تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر پیغام میں ْخیبرپختونخوا حکومت کو مبارکباد دیتے ہوئے کہا کہ  خیبرپختونخوا کے صحت کارڈ پلس پروگرام کے تحت 250,439 مریضوں کو بالکل مفت علاج میسر آیا۔انہوں نے  کہاکہ  یہی وہ پاکستان ہے جس کی جانب ہم بڑھ رہے ہیں اور جس کا خواب علامہ اقبالؒ اور جنابِ قائد اعظمؒ نے دیکھا تھا۔

بہت مبارک خیبرپختونخوا! خیبرپختونخوا کے صحت کارڈ پلس پروگرام کے تحت 250,439 مریضوں کو بالکل مفت علاج میسر آیا۔ یہی وہ پاکستان ہے جس کی جانب ہم بڑھ رہے ہیں اور جس کا خواب علامہ اقبالؒ اور جنابِ قائد اعظمؒ نے دیکھا۔ https://t.co/AUkkqfgH38

— Imran Khan (@ImranKhanPTI) July 3, 2021

واضح رہے کہ 20 اگست 2020 کو وزیرِ اعظم پاکستان عمران خان نے خیبرپختونخواہ کے ہر خاندان کو صحت انصاف کارڈ کی فراہمی کے 18 ارب روپے کے پروگرام کا اجرا کیا تھا ،   جس کے تحت ہر خاندان کو دس لاکھ روپے تک علاج کی مفت سہولت فراہم کی گئی ہے ۔پاکستان میں کسی بھی صوبے میں یہ اپنی نوعیت کا پہلا منصوبہ ہے۔ اس سے پہلے صوبے کے 40 فیصد ضرورت مند افراد کو یہ سہولت فراہم کی گئی تھی۔