کراچی میٹرک بورڈ : ہزاروں طلبا ایڈمٹ کارڈ سے تاحال محروم

جی این  این کے مطابق  میٹرک کے امتحانات سر پر آگئے ہیں  لیکن ہزاروں طلباابھی تک امتحانی مراکز سےلاعلم ہیں کیونکہ بورڈ کی جانب سے انہیں ایڈمٹ کارڈ  تاحال نہیں بھیجے گئے ۔ انتظامیہ کی نااہلی کے باعث ہزاروں طلبا پریشانی میں مبتلا  ہیں اور بورڈ آفس میں طلبا اور والدین  ایڈمٹ کارڈ کے حصول  کیلئے خوار ہورہے ہیں ۔ اس حوالے سے طلبا کاکہنا ہے کہ بروقت ایڈمٹ کارڈ نہ ملے توتعلیمی سال ضائع ہونے کا اندیشہ ہے۔

خیال رہے کہ میٹرک بورڈ کراچی میں امتحانات کا آغاز 5جولائی سے ہوگا ، کراچی میں میٹرک کے امتحانات کے لیے شہر بھر میں 438 مراکز قائم کیے گئے ہیں۔ میٹرک بورڈ آفس کے مطابق   رواں برس 3 لاکھ 48 ہزار 249 طلبا شرکت کریں گے۔ امتحانات میں کورونا ایس او پیز پر عمل درآمد یقینی بنایا جائے گا۔