گوادر بندرگاہ اور سی پیک وزیراعظم کی اولین ترجیح ہے : عاصم سلیم باجوہ

تفصیلات کے مطابق چئیرمین سی پیک اتھارٹی  عاصم سلیم باجوہ نے ہوشاب میں میڈیا کو بریفنگ دیتے ہوئے  کہا کہ  سی پیک سے بلوچستان کی 70 کی محرومیاں دور ہوں گی، سڑکوں پر بھرپور کام ہو رہا ہے، سی پیک سڑکیں بہت بڑی ترجیح ہے ، ہوشاب روڈ کی تعمیر جاری ہے ،  سڑکوں کا جال بچھے گا۔

 ان  کاکہنا تھا کہ وسیمہ خضدار پر 70 فیصد کام مکمل ہوچکا ہے ،   بلوچستان میں سب سے بڑا مسئلہ سڑکوں کا تھا، سڑکوں کی تعمیر سے علاقے میں مواصلات کے مسائل بڑی حد تک حل ہو جائیں گے۔ گوادر میں 300 میگاواٹ پر مشتمل پاور کیلئے کام شروع ہو رہا ہے، پورے پیکج میں کوئی 2 سو سکیمز ہیں،  وزیراعظم نے اپروو کیا کہ نیشنل گرڈ کیساتھ ساؤتھ بلوچستان کو لنک کیا جائے گا۔

جنرل ر عاصم سلیم باجوہ  کامزید کہنا تھا کہ جنوبی بلوچستان کیلئے تاریخ کا سب سے بڑا پیکج دیا گیا ہے ،پہلے کچھ ڈیمز بنے ہیں ان سے واٹر لائنز  ابھی بچھ رہی ہیں ،ساؤتھ بلوچستان کے 9 ضلعوں میں 31 ڈیمز ہیں ،جن میں سے کچھ خضدار میں،  2 پنجگار ، آوران ، دشت ، لسبیلہ،میں  ہیں ، آبی وسائل، بجلی کی ترسیل سمیت بنیادی ضروریات کی فراہمی پر تیزی سے کام جاری ہے۔ منصوبوں کی تکمیل سے علاقے میں خوشحالی اور ترقی آئے گی۔