ٹینکر جلانے کا کیس ،چئیرمین مہاجر قومی موومنٹ آفاق احمد کی ضمانت منظور ، آج رہائی کا امکان

کراچی:چئیرمین مہاجر قومی موومنٹ آفاق احمد کی ٹینکر جلانے کے ایک اور کیس میں بھی ضمانت منظور کر لی گئی جس کے بعد آج ان کے رہاہونے کا امکان ظاہر کیا جا رہا ہے۔
فاق احمد کے خلاف ٹینکر جلانے سے متعلق تیسرے مقدمے کی سماعت کراچی کے ایڈیشنل ڈسٹرکٹ اینڈ سیشن جج غربی کی عدالت میں ہوئی،دوران سماعت عدالت نے آفاق احمد کی ضمانت منظور کر لی۔
عدالت نے سرجانی ٹاؤن میں درج مقدمے میں آفاق احمد کی ضمانت منظور کرتے ہوئے ایک لاکھ روپے کے ضمانتی مچلکے جمع کرانے کا حکم دیا ہے۔
خیال رہے کہ آفاق احمد کے خلاف انسداد دہشتگردی ایکٹ کے تحت 2 مقدمات لانڈھی اور عوامی کالونی تھانے میں درج تھے۔
 عدالت سے دونوں مقدمات میں ضمانت منظور ہونے کے بعد سرجانی پولیس نے ٹینکر جلانے کے کیس میں آفاق احمد کو سینٹرل جیل سے گرفتار کر لیا تھا۔