ایف آئی اے لاہور نے حمزہ شہباز کو شو کاز نوٹس جاری کر دیا

تفصیلات کے مطابق شوکاز نوٹس اینٹی منی لانڈرنگ ایکٹ 2010 کے تحت جاری کیا گیا ہے۔

ذرائع کے مطابق حمزہ شہباز کو 30 دن کے اندر چپڑاسی اور کلرکوں کے اکاؤنٹس میں 25 ارب روپے آمدن کے ذرائع بتانے کا حکم جاری کیا ہے۔

ذرائع کا کہنا ہے کہ ذرائع آمدن نہ بتانے پر حمزہ شہباز کی تمام جائیداد بحق سرکار ضبط کر لی جائے گی، حمزہ شہباز کی جائیداد اور اکاؤنٹس منجمد کرنے کی کارروائی شروع ہوگئی ہے۔

واضح رہے کہ شوکاز نوٹس حمزہ شہباز کے علاوہ علی ترین اور شوگر مافیا کے اہم ملزمان کو جاری کیے گئے ہیں۔