حماس نے چار یرغمالیوں کی لاشیں ریڈ کراس کے حوالے کر دیں،600 سے زائد فلسطینی رہا

غزہ: غزہ میں جنگ بندی معاہدے پر عمل درآمد جاری ہے، حماس کی جانب سے 4 یرغمالیوں کی لاشیں ریڈ کراس کے ذریعے اسرائیل کے حوالے کر دی ہے، جس کے ردعمل میں اسرائیل نے 600 سے زائد فلسطینی قیدیوں کو رہا کر دیا۔
غیر ملکی کے مطابق حماس نے بھی مزید 4 اسرائیلی یر غمالیوں کی کی لاشیںریڈ کراس کے حوالے کر دیں، فلسطینی قیدی رہائی کے بعد مغربی کنارے کی جانب روانہ ہوگئے۔
عرب میڈیا کا بتانا ہےکہ اسرائیلی قید سے واپس آنے والے کئی قیدیوں کی حالت کمزور تھی، کچھ کے اعضاء نہیں تھے (نکالے گئے) جب کہ کچھ کو ان کے زخموں کی شدت کی وجہ سے ایمبولینس میں غزہ منتقل کیا گیا۔
غیر ملکی میڈیا رپورٹس میں مزید کہا گیا کہ اسرائیلی حکام نے 24 قیدی بچوں کی رہائی حماس کی جانب سے حوالے کی گئی لاشوں کی شناخت تک معطل کردی ہے اور کہا گیا ہے،جبکہ اسرائیل 97 فلسطینی قیدیوں کو مصری حکام کے حوالے بھی کرے گا تاہم اس حوالے سے ابھی مزید تفصیل سامنے نہیں آئی۔ 
خیال رہےکہ گزشتہ ہفتے قیدیوں کی رہائی کے حوالے سے پیدا ہونے والے بحران کو حل کرنے کے لیے حماس اور اسرائیل کے درمیان 4 مزید یرغمالیوں کی لاشوں کے بدلے 620 فلسطینی قیدیوں کی رہائی پر اتفاق ہوا تھا۔
600 سے زائد فلسطینی قیدی جو پچھلے ہفتے رہا ہونے تھے لیکن اسرائیل کی جانب سے ان کی رہائی روک دی گئی تھی تاہم گزشتہ رات حماس کی جانب سے اسرائیلی مغویوں کی لاشیں واپس کرنے کے بعد آج اسرائیل نے فلسطینی قیدی رہا کردیے۔ 
دوسری جانب روسی وزیر خارجہ سر گئی لاروف نے کہا کہ ڈونلڈ ٹرمپ کا غزہ منصوبہ ٹائم بم ہے، مشرق وسطیٰ کی سلامتی فلسطینیوں کی آباد کاری سے داؤ پر لگ جائے گی، فلسطینی ریاست کے قیام کا مسئلہ اہمیت اختیار کر چکا ہے۔
سرگئی لاروف نے مزید کہا کہ امریکی صدر 20 لاکھ کی آبادی کو مستقل طور پر ان کی سرزمین سے محروم کرنا چاہتے ہیں۔