پٹرولیم مصنوعات کی قیمتوں میں کمی کا اعلان 

اسلام آباد:وزارت خزانہ نے پٹرولیم مصنوعات کی قیمتوں میں کمی کا اعلان کر دیا۔

وزارت خزانہ کی جانب سے جاری کر دہ نوٹیفکیشن کے مطابق ڈیزل کی قیمت میں 5 روپے 31 پیسے جبکہ پٹرول کی قیمت میں 50 پیسے فی لٹر کمی کی گئی۔
اسی طرح مٹی کی تیل کی قیمت میں 3 روپے 58 پیسے جبکہ لائٹ ڈیزل کی قیمت میں2 روپے 47 پیسے کمی کی گئی۔
اعلامیے کے مطابق پیٹرول کی نئی قیمت 255 روپے 63 پیسے اور ہائی اسپیڈ ڈیزل 258 روپے 64 پیسے فی لیٹر میں دستیاب ہوگا،جبکہ مٹی  کے تیل کی نئی قیمت  168 روپے 12 پیسے فی لیٹر ہوگی۔
نوٹیفیکیشن کے مطابق پٹرولیم مصنوعات کی قیمتوں میں کمی کا اطلاق یکم مارچ رات بارہ بجے سے ہو گا۔