اسلام آباد سے دبئی جانے والی پرواز 7 گھنٹے گزرنے کے باوجود روانہ نہ ہوسکی

اسلام آباد سے دبئی جانے والی پرواز 7 گھنٹے گزرنے کے باوجود روانہ نہ ہوسکی۔

نیو اسلام آباد ایئرپورٹ پر دبئی جانے والی نجی ایئر لائن کی پرواز نمبر پی اے 210 میں 7 گھنٹے تاخیر ہوگئی، پرواز سوا 2 بجے شیڈول تھی تاہم 7 گھنٹے گزرنے کے باوجود تاحال روانہ نہ ہوسکی۔

200 کے قریب متاثرہ مسافروں نے ایئرپورٹ پردھرنا دے دیا۔

مسافروں نے اسلام آباد ایئرپورٹ پر شدید احتجاج کیا جبکہ نجی ائیرلائن کا عملہ غائب رہا۔

مسافروں کا کہنا ہے کہ وہ گھنٹوں سے انتظار کر رہے ہیں مگر انہیں کسی قسم کی رہنمائی یا معلومات فراہم نہیں کی جا رہی۔

مسافروں نے مطالبہ کیا ہے کہ ائیرلائن انتظامیہ فوری طور پر صورتحال واضح کرے اور پرواز کو جلد از جلد روانہ کیا جائے۔