سونے کی قیمت میں مسلسل دوسرے روز بڑی کمی، فی تولہ کتنے کا ہو گیا؟

کراچی:مقامی مارکیٹ میں سونے کی قیمت میں دوسرے روز بھی کمی ریکارڈ کی گئی۔

آل پاکستان جیمز اینڈ جیولرزایسوسی ایشن کے مطابق مقامی مارکیٹ میں فی تولہ سونا 1523 روپے سستا ہو گیا جس کے بعد نئی قیمت 4 لاکھ 69 ہزار 285 روپے ہو گئی۔

ایسوسی ایشن کے مطابق اسی طرح 10 گرام سونے کی قیمت میں 1305 روپے کی کمی ہوئی جس سے 10 گرام سونا 4 لاکھ 2 ہزار 335 روپے پر آ گیا۔

دوسری جانب عالمی بلین مارکیٹ میں سونے کا بھاؤ 14 ڈالر کے اضافے سے 4 ہزار 468 ڈالر فی اونس ہو گیا۔

خیال رہے گزشتہ روز مقامی مارکیٹ میں سونے کی قیمت میں 8 ہزار 600 روپے کی کمی ہوئی تھی۔