صوبائی حکومت کا’’مریم کو بتائیں‘‘ پروگرام میں مزید شہریوں کو شامل کرنے کا فیصلہ

لاہور:پنجاب حکومت نے “مریم کو بتائیں” پروگرام میں نئے اہلیت کے معیار کے تحت مزید شہریوں کو شامل کرنے کا فیصلہ کرلیا۔

تفصیلات کے مطابق پنجاب حکومت نے ’’مریم کو بتائیں‘‘ پروگرام کی اہلیت کے معیار اور فنانشل ایلوکیشن کی منظوری دے دی،پروگرام کے لیے مالی فنڈز اور بجٹ مختص کرنے کی منظوری بھی دے دی گئی ہے۔

چیئرمین پی اینڈ ڈی بورڈ کی درخواست پر پنجاب حکومت نے’’ مریم کو بتائیں ‘‘ایپ کی سروسز کو وسعت دینے کی منظوری دی،حکومت نے پروگرام کو مزید مؤثر اور شفاف بنانے کے عزم کا اظہار کیاہے۔

اسی طرح عوامی شکایات کے فوری ازالے اور سہولیات کی فراہمی کے لیے اقدامات تیز کرنے کی ہدایت بھی کی گئی ہے،’’مریم کو بتائیں‘‘ ایپ کے ذریعے شہریوں کو گھر کی دہلیز پر مختلف بنیادی نوعیت کی سروسز فراہم کی جارہی ہیں۔