نامور لالی وڈہدایتکارہ سنگیتا نے اپنی پنجابی فلم مکھو کا افتتاح کردیا ،عظمی بخاری اور دیگر فنکاروں کی شرکت 

لاہور:لالی وڈ کی نامور ہدایتکارہ سنگیتا نے اپنی پنجابی فلم مکھو کا افتتاح کردیا جس میں  صوبائی وزیر اطلاعات و ثقافت سید عظمی بخاری بطور مہمان خصوصی شریک سمیت دیگر نامور فنکاروں نے تقریب میں شرکت کی۔

تفصیلات کے مطابق لاہور کے فلیٹیز ہوٹل میں ہونے والی تقریب میں صوبائی وزیر اطلاعات و ثقافت سید عظمی بخآری ۔اداکار غلام محی الدین،معمر رانا،میرا، نشو،شہزاد رفیق،صفدر ملک،چوہدری ذوالفقارمانا،ہدایتکار سید نور،اداکارہ صائمہ سمیت دیگر شریک ہوئے۔

اس موقع پر صوبائی وزیر اطلاعات و ثقافت سید عظمی بخآری کا کہنا ہے کہ وزیر اعلی پنجاب کے ویژن کے مطابق فلم انڈسٹری کو بین الاقوامی سطح پر لائیں گے اور فلم فنڈ اسی سلسلے کی کڑی ہے۔

ہدایتکارہ سنگیتا۔۔اداکارہ میرا معمر رانا اور دیگر نے نئی فلمیں بننے پر خوشی کا اظہار کیا،جبکہ اداکارہ صائمہ جو مکھو کا مرکزی کردار ادا کر رہی ہیں ان کا کہنا ہے کہ وہ سنگیتا کے ساتھ کام کرکے ہمیشہ ہی ہٹ ہوئی ہیں۔

خیال رہے کہ فلم کا آغاز پانچ جون سے ہوگا اور پچیس دسمبر کو فلم کا کیمرہ کلوز کرکے تکنیکی کاموں کا آغاز کیا جائے گا۔